TSY MAINTSY MISY TODY (Fredy Jaofera)
Mbola tsisy niantsa
(Nalaina tao amin'ny vetso.serasera.org)
TSY MAINTSY MISY TODY Tsy maintsy misy tody
ireo fosafosa rehetra
raha efa misodisody
ny fiaina-manjoretra.
Tsy maintsy misy tody
ny haratsiana tsapa,
Na mitady fanafody
tsy hampiraparapa.
Tsy maintsy misy tody
ireo fandravana vita,
saino mandrapody,
na tsy mifankahita.
Tsy maintsy misy tody
ireo ratra nanahirana,
tsy handrenesam-pody,
na inona re ifikirana.
Fredy JAOFERA
--------
Rohy:
Sokajy :
Fisarahana - Ahy - Fahatsiarovana - Fananarana - Fiaraha-monina - Alahelo - Eritreritra mandalo - Fiainana - Aingam-panahy
