TSY MIOFO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
TSY MIOFOMivadibadika ihany ny andro sy taona,
feno hafaliana, na ahoana na ahoana,
tsy afa-mampiofo fa iny mampihaona
ilay tena fitiavana mirehitra foana.
Fiadanana ihany no mbola tsikaritra
mitombo mangina, tsy mety voafaritra,
mampientana hatrany no sady tsy aritra
fa tiako dia tiako no mba mahafinaritra.
Fahasoavana mamy tsy mety voarefy,
mampiorina ombieny no voatefitefy,
mitobaka jiro tsy hita ho mihalefy
sy irony voady ambara ho tomefy.
Fitiavana marina tsy mety mikoro,
mahery aok'izany sy mbola mijoro
ka resaka foana ny ho voahorohoro
fa na aiza na aiza, tsy voatorotoro !
Fredy JAOFERA
--------
Rohy:
Sokajy :
Fisarahana - Fahatsiarovana - Eritreritra mandalo - Alahelo - fiainana - Aingam-panahy - Fitiavana
