TSY MISY ANDRO IRAY (Fredy Jaofera)
Pas encore lu
(Nalaina tao amin'ny vetso.serasera.org)
TSY MISY ANDRO IRAYTsy misy andro iray
tsy ahatsiarovako anao
raha toa ka tsy hay
ny iainana fa te hilalao.
Tsy misy andro iray
tsy anembonako anao
raha manina indray
ny tena re fa tsy tsaho.
Tsy misy andro iray
tsy ikarohako eto ianao
raha alahelo mivay,
nanonjaonja tao ho ao.
Tsy misy andro iray
tsy anofisako koa anao
raha toa indraindray
hafahafa mila tsiky vao.
Fredy JAOFERA
--------
Lien:
Catégorie :
Fisarahana - Embona - Ahy - Fahatsiarovana - Fananarana - Alahelo - Eritreritra mandalo - Fiainana - Aingam-panahy - Fitiavana
