Ampidiro aloha ny tenimiafina
TSY MISY HAKAMOANA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
TSY MISY HAKAMOANATsy misy hakamoana
mitera-pahombiazana
fa mainka famonoana
ny kiry, na dia mazana.
Tsy misy hakamoana
ahitana fahasoavana
fa indro fanompoana
torimaso ho goavana.
Tsy misy hakamoana
mitondra fandresena
fa, na aiza, firosoana
ho an'ny faharesena.
Tsy misy hakamoana
manainga zava-tsoa
fa lalam-pandotoana
ny hoavy ho ratsy koa.
Fredy JAOFERA
--------
Rohy:
Mpakafy:
TSIMALAHY
