TSY NIOVA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
TSY NIOVA Tsy niova aho akory
fa mbola ito mitory
ny fitiavako anao,
tsy mety mandao.
Tsy niova aho akory
fa mainka mamory
‘reny taona tsy foy,
na hoe : Hadinoy !
Tsy niova aho akory
fa raha tsy matory
dia manoratra lava
ny voady efa rava.
Tsy niova aho akory
fa raha vao oriory
dia miverina foana
ny ora nahamoana.
Tsy niova aho akory
fa raha vao sorisory
no mameno ny tany
dia latsa-tomany.
Fredy JAOFERA
--------
Rohy:
Sokajy :
ahy - Fisarahana - Fahatsiarovana - Eritreritra mandalo - Alahelo - fiainana - Aingam-panahy - Fitiavana
