TSY VITAN'NY VAVA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
TSY VITAN'NY VAVATsy vitan’ny vava
ny zava-drehetra
fa voaporofo lava
rehefa mba toetra.
Tsy vitan’ny vava
‘zay teny nomena
fa vitaina mazava
rehefa ho nekena.
Tsy vitan’ny vava
ny tokim-pitiavana
fa adera tsy ho rava
rehefa mba goavana.
Tsy vitan’ny vava
ny hoe : mahavita
fa aseho lalandava
tena mba ho hita !
Fredy JAOFERA
--------
Rohy:
Sokajy :
Hambom-po - Fiaraha-monina - fiainana - fananarana - Eritreritra mandalo - Alahelo - Aingam-panahy - ahy
