VANTANY (Fredy Jaofera)
Mbola tsisy niantsa
(Nalaina tao amin'ny vetso.serasera.org)
VANTANYVantany vao kamboty
ny fo tsy hay ambara
dia tsy mba afa-nioty
ny mamy fa voarara.
Vantany vao sahirana
ny saina niady loatra,
tsy nanan-kifikirana
ka tsy afa-nivoatra.
Vantany vao nandena
'reny oram-batravatra
dia tsy ny famonjena
no tonga fa ny ratra.
Vantany vao nipoitra
ny mafy 'zay tsy zaka
dia tsy tany no nizotra
sy nikasa hiorim-paka.
Fredy JAOFERA
--------
Rohy:
