VAO IANAO... (Fredy Jaofera)
Mbola tsisy niantsa
(Nalaina tao amin'ny vetso.serasera.org)
VAO IANAO...Vao ianao no eritreretina
dia lasam-borona foana
ka mila hiteraka aretina
rehefa tsy afaka hihaona.
Vao ianao no hirahiraina
dia mora misinda ho azy
ny alahelo nolazalazaina
tsy hiala fa dia hanasazy.
Vao ianao no anoratana
dia mora tonga ny ainga
raha ambara mivantana
ka hivadihany ho bainga.
Vao ianao no tadiavina
dia mora tonga ny nofy,
ny alina aza, tsy lavina,
mangitsy ka aty, rakofy.
Fredy JAOFERA
--------
Rohy:
Sokajy :
ahy - embona - Fahatsiarovana - fananarana - Alahelo - Eritreritra mandalo - fiainana - Aingam-panahy - Fitiavana
