ZAVA-MARO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
ZAVA-MARO Zava-maro
no tsy hay hadinoina
mifangaro
fery tsy mety vonoina.
Zava-maro
no tsy hay kosehina
ka takaro,
na efa be norotehina.
Zava-maro
no tsy hay ikimpiana
ka fantaro
fa mamoha fijaliana.
Zava-maro
no tsy hay alevina,
atambaro
fa sedra matevina.
Fredy JAOFERA
--------
Rohy:
Sokajy :
Ahy - Fahatsiarovana - Fananarana - Alahelo - Eritreritra mandalo - Fiainana - Aingam-panahy
Mpakafy:
Djess
