NY SIPA (Zoky Eric)

Mbola tsisy niantsa

Hangataka antsa
(Nalaina tao amin'ny vetso.serasera.org)
... NY SIPA ...
Aleo ny sipa maola fihetsika.
Toy izay ny sipa be fitetika.
Miseho ho masina aok'izany.
Nefa mizarazara ny ao ambany.

Aleo ny sipa jefijefy.
Toy izay ny sipa mihao-pefy.
Miseho ho hendry,mody kanty.
Nefa harivariva tsy mahatanty.

Aleo ny sipa kely mihodina.
Ilay manao zipo ampoto-pe.
Toy izay ny sipa toa sodina.
Manao zipo lava be.

Mody maontina fianjaika.
Mihatsara velan-tsihy,
izay mahazo diso paika
Fa efa lany tsiro tsisy fihy.

Aleo ny sipa diso mihaingo.
Fa tsy mandoto izany tenany.
toy izay sipa toa baraingo.
Ny filana no fonenany.

Aleo ny sipa madiditra.
Toy izay ny sipa mody fanina.
Fa sao ianao hibaby kitra.
Ka ho lavo tsy misy hanarina.
--------
Rohy:
2901 1
Hametraka hevitra
Midira aloha
Momba ny tononkalo
Mpanoratra : Zoky Eric
Nampiditra : Shcwarzeneric
Daty : 23/01/2018 19:05
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0099