Ampitomboy ny finoako (Heriarilala Andriamamonjy)

Ampitomboy ny finoako
(Ary hoy ny Apostoly tamin'ny Tompo: Ampitomboy ny finoanay. — Lioka 17 : 5)

Finoana no omeo
hoentiko hanantena
fa hisy fandresena
na inona miseho !

Hery no atolory
hahafahako miady
ka ny vatako ho tomady
fa tsy ho farofy akory !

Ianao nahadio ny boka,
nahafoana ra mitsika
sy ny paralisisa,
nanafaka mpanota !

Ka finoana no ampitomboy
hoentiko hanantena
fa hisy fandresena
tsy tokony hafoy.

25 septambra 2024 5:47
--------
--------