Ataoko matotra (Heriarilala Andriamamonjy)

ATAOKO MATOTRA

Ny maso aky no lavitra
kanefa aza matahotra
f'izaho na manirery,
tsy hanolo velively
ny anaranao voasokitra
izay mamin'ito molotra...

Na hoy ny mpanaraby
"ny afo lavitrao
tsy azoko amindroana".
Tsy ataoko vazivazy
f'ianao tena tsy foina...

F'ianao masoandron-danitra
mahafana ahy ety an-tany
Eny...na dia lavitra
manilo...mitaratra ahy hatrany...

K'ianao aky no lavitra a!
f'ity ataoko matotra:
ny fontsika mifanaiky!
inoako,ianao manaiky...

#Heriarilala, marainan'ny 17/6/16 08:27 Toliara.
--------