FONJANAO ANTARANOANA (Heriarilala Andriamamonjy)

Mbola tsisy niantsa

Hangataka antsa
(Nalaina tao amin'ny vetso.serasera.org)
FONJANAO ANTARANOANA

("Ny feon'eritreritra anefa dia manenjika izay manao azy ho tsy mahina indrindra". J.Rabearivelo, Lala Roa

"... kanefa tsy mety manamarina ny meloka, fa mamaly ny heloky ny ray amin'ny zanaka sy ny zafy hatramin'ny zafiafy sy ny zafindohalika. — Eksodosy 34 : 7)

Hangeja antaranoana ny eritreritrao ny loza rehetra vita
Hangia mandavan-taona na aiza halehanao k'ianao no hitanisa
Hisesy hiverimberina hanako ny fahiny k'ianao hanongo tena
Rehefa 'njay manenina dia hanentsina tadiny ndrao ho azom-paharesena

Dia hanamafy saina hoe tsy manenim-bita fa olona mandroso
Mody tsy hitaraina sao fantatra sy hita ilay anaty mikoroso
Dia misary sambatra sy tojo ny nilaina ka tena hoe tafita
Misary koa ho lafatra ity olona mangaina sy madisadisa

Fa izy tsy nitory, tsy namaly faty na dia nohararaotina
Niezaka nitony, niezaka nihafy tamin'ireny lainga raofina
Ny fonao tenany ihany dia ampy hanidy anao ao an-tranomaizina
Fa ianao moa tam'izany, tompom-pahefana ka tsy sahiny nofaizina

Fa hanako antaranoana am-pototsofinao ny fitaka nomena
Na tsy afa-nanahoana iny zanak'olona iny d'ianao hanongo tena
Izay tody tsy mivaly, tsy mihatra aminao dia aza ifaliana
Raha izao ianao mifaly, dia hisy zanakao hiaina fijaliana.

Heriarilala 19/11/2023 17:37
--------
Rohy:
Sokajy : Fiainana
9 0
Hametraka hevitra
Midira aloha
© Eugene Heriniaina - serasera.org 1999 - 2026 - page load 0.0183