Ngôma (Heriarilala Andriamamonjy)

NGOMA

Noho ny fahatsiarovana
ny ora tena mamy
dia indro aho fadiranovana
sy kotsan’ny tomany

Mahatsiaro ireny namana
manembona ny havana
ny sangy izay fanao
mitamberina izy izao

Fa any tokoa mantsy
ny tiana sy ny etsetra
aty kosa mihamafy
ny sento tsy mifetra

Koa raha mba mety nama
ataovy izay hihaonana
fa eto izao ny akama
mararin’ny hangômana.

Heriarilala 27/02/14
--------