Tsy tompon'ny tenany intsony (Heriarilala Andriamamonjy)

TSY TOMPON'NY TENANY

Vao misy mitaona "dia ndao rodobe"
Na dia efa nivoady ho tsy mila izy ange
Vao mazoto ny namany dia izy koa vonona
Hadinony ilay izy efa namoy sy nionona


Nilaza fa tofoka ary tena tsy liana
Tsy izany intsony, hono, no mahasondriana
Fa vao roso ny tary dia iny izy tamy
Tsy tompon'ny heviny izany olona izany

Sao kosa lahy mba fanadinoana ?
Ny ratsy nahavoa no tsy misy tsaroana
Na ny teny nataony no tsy misy tadidiny
Sa iretsy namany no mpanao ny safidiny ?

Fa an'iza ny androaniny, an'iza ny hoaviny
F'ireo mpankahala no leladelafiny
Hasohasoan'ny namany hoe tsara
Dia io izy mino na dia efa nahalala.

Heriarilala Andriamamonjy 22/02/25 21:11
--------