MADAGASIKARA (minoma)

Faly ery izany fo vao maheno ilay anarany
Tanindrazana malala izay manana ny tantarany
Tsy ho afaka ao am-po n’aiza n’aiza no misy
Na dia mandalo fotoan-tsarotra aza izy ankehitriny indrisy
Gasikara manana ny maha izy azy indrindra
Harena sarobidy tsy azo afindrafindra
Ankehitriny anefa mitaraina izany tany izany
Feno fahorina sy zaza mitomany
Miaina anaty krizy izay saro-bahana
Mahalasa saina sy mampiahanahana
Mila Malagasy miray saina sy mifankatia
Hiara Hanangana ho avy ho doria
Mitsingerina ity ny fahaleovantena
Koa ny fahantrana andeha ho resena
Lalana vaovao no tokony hizorana
Anaty fahavononana sy fahamatorana
Isika tanora no fitaratra sy ho avy ratrizay
Koa aoka isika hitambatra ho Malagasy iray!!

minoma
--------