AIZA (Ny Alimbetso Soa na Endrika Nasalotra)

Aiza ny rariny
Ho anay madinika
No fanomezantsiny
Teny tsy mipika
Teny manambany
Ny haja manontolo
Nampirotsaka tomany
Nameno ny tontolo

Aiza ny fitoviana
Nolazaina efa ela
Nosoloana fahoriana
Ny dindon'ny tavela
Tamin'ny fitadiavana
Nandaniana herintsaina
Nefa fandavana
No nasetry lay taraina

Aiza ny fisondrotana
Nampanantenaina
indrindra ny karama
Hamelomana ireo karakaina
Zay trotraky ny fahantrana
Mikaokaoka lava izao
Hatramin'ny fianarana
No nasaina nandao

NAS 03/03/04 à 20h 07'
--------