Ry nosy mamiko (Rabefitiavana)

Ry nosy mamiko

Tany mamy tena tiako;
Ianao ry gasikarako;
Hany tokana fananako
Hany ka tsy ho simbarako

Ianao ry nosy mamiko,
Na latsaka anaty aizina aza;
Indro izaho efa ato amiko
Ilay faniriko anao ho fata-daza

Maro ereo manitsakitsaka,
Tsy vitsy ny manisakisaka,
Fa izaho kosa andeha hanandratra,
Aha tonga anao ho tany sambatra!

Omeko anao ry nosy mamiko;
Ny hery rehetra ato anatiko
Omeko ireny hanasoavako
Satria avy aminao ireny no indramiko

Mpanoratra: Rabefitiavana
--------