Teny tsotra no tsy lava n (Raben'ainga)

Teny tsotra no tsy lava
ny teny hoe "tiako ianao".
Raha tsy voaloaky ny vava,
dia mafana ao anaty ao.

Teny fohy fa mampahory,
mampijaly, mampahia.
Ka na voalaza tsy hay akory:
hanaiky ihany ve sa tsia?

Teny kely fa oman'aina,
hiroso ihany ve ny dia?
Baraingo foana no ao an-tsaina
indrindra raehefa tena tia.

Ka na vavy ianao na lahy,
dia manan-jo hitory fitiavana.
Aza menatra, aza manahy;
ambarao re rahavana.
--------