Fahazazana (RAMAMINIRINA Henintsoa Jean Baptiste)

Voasoratra ato am- poko
Ny andron'ny fahazazana
Akanjo rovitra sy maloto
No nahitako hafanana

Vao tonga ny amin'ny ray
Mirava avy any amin'ny EPP
Dia manantevin- daharana indray
Milalao andalambe

Rehefa avy mamonjy lamesa
Dia mitaingina kalesa
Avy eo manao girisarisa
Miaraka amin'ny sahafa sy fandisa

Eo koa ny kivarivary sy tanisa
No nianarana nahandro sy nanisa
Hoan'ny tsy tia, dia namorona
Toy ny katro sy fanorona

Ny kiombiomby eo andaniny
Mandady manao katro-doha
Tena mankarary sy mahafanina
Noho ny kilalao teo aloha

Rehefa leo dia makeny antendrombohitra
Mitoraka fody,fitatra, sorohitra
Ary mamandrika tsipoy sy kibobo
Any amin'ny lohasaha feno lobolobo

Ny loza anefa indraindray
Fa tsy vato no voaray
Fa irony tana lahy
Izay mampiontana ny fo am-panahy

Dia nobedesin'i Neny
Tamin'ireny rehetra ireny
Ary notezeran'i dada
Fa diso tafahoatra angamba

Ymamiah 9/06/2023
--------