Indro aho very tanteraka (RAMAMINIRINA Henintsoa Jean Baptiste)

Indro aho very tanteraka

Indro aho very tanteraka ry foko tsy tafarina,
Ilay fitia natolotro, navadika ho fanaratsiana.
Nantenaina ho andry, ho hazo itokiana,
Kanjo tonga rivotra, nandrava sy nanapaka fihavanana.

Nangataka fitiavana, niandrandra fanajana,
Kanjo fiteny mangidy sy tsiky an-kolaka no navadika ho valiny.
Nihevitra aho fa lanitra no ho indro hita,
Kanjo helo mangina no nanjary fipetrahana sy fialana hetaheta.

Ianao ilay nantenaina ho antso famelombelona,
No tonga tsy nampoizina, toy ny nofy ratsy manelingelina.
Tsy mbola tafita akory, dia efa nazeranao an-kady,
Izay fon’olon-kafa natoky taminao tanteraka, tsy nisy fetra sy fetra mihitsy.

Ny anaranao no re, toy ny mozika mahafinaritra,
Fa ny fonao kosa, mangatsiaka, tsy nisy hafanana navela ho hita.
Notanako mafy ianao, toy ny nofinofy sarobidy,
Kanjo tapaka tampoka toy ny lalan-drano ritra sy vaky fitohitohy.

Eny, indrisy, lasa poizina ilay nataoko fanala hetaheta,
Ny foko nitempo, nony farany, lasa anaty haizina sy fitaka.
Ilay voninkazo naroso tamim-pitiavana sy fiderana,
Dia nalazo tampoka, tsy nisy notiavina, toy ny nofy reraka anaty harerahana.

Ka ankehitriny, tsy teny mamy no entiko mamindra,
Fa andalan-teny mangina, mitondra fisaonana lalina.
Tsy hoe mankahala, fa mitrotro fery manjavona,
Izay anaty fo mangina, ka tsy hay resena raha tsy amin’ny fitoniana.

Ymamiah 27/07/2025
--------