ELANELANA (Ravo)
Pas encore lu
(Nalaina tao amin'ny vetso.serasera.org)
ELANELANA toa hoe misarim-basy
ka notapahina ny peniny,
ary ireo ravin-taratasy
koa nodorana, ... tsy ho neniny.
fa ny poeta raha mijoro
tsy voatery ho an'ny soratra
fa ilay fanahy tsy tiana hikoro
zary havatsa sy koa holatra
no tena famantarana
ny hafatra ampitainy
mba ho fahasambarana
ho anao ry sombin'ny ainy.
dia ilay Fanahy avy amin'ny tany
miainga hanani-danitra!
hafatry ny androany,
misoratsoratra hoe finaritra;
elanelam-piainana
mandravarava fandrafiana,
elanelan-tsoratra
manafoana fiandaniana.
izany ilay fanahy voahavatsa :
tsy am-boky aman-gazety
fa amin'ny tolona sy antsa
maneho fa tena hoe POETA.
Ravo na André Vonjitsoa Rakotoarivelo
--------
Lien:
Catégorie :
Literatiora - Ahy
Fans:
TosakaMg
