HITAKO IHANY ... (Ravo)

hitako ihany

Par ravo

Ianao ilay nofidiko
tao anatin’ny tsy misy
Fa nofinofiko ihany :
Hitako androany.

Ianao ilay nofidiko
Tsy hampisy ny “indrisy”
Raha sendra diso lalana:
Io fa eo am-baravarana.

Ianao ilay nofidiko
Hotoloran-tanana
Any aoriana any, ...
Io fa hitako ihany.

Amin’ny sarotra hodiavina
Sy ireo mamy hotiavina :
Iriako ho eo ianao!
Anatin’ny mangidy
Sy laza hifandimby :
Ianao no tiako ho ao.

Ianao izay mahatsapa
Ny ho avy sy ny lasa,
Ombana fitarainana!
Ianao no tiako hahita
Ilay paradisa
Voaomana ho fiainana.

Ravo (André Vonjitsoa RAKOTOARIVELO)
--------