MELOKA AHO (RHAd)

Andrimanitra ô! Hifonako
Fa maina hatramin’ny telindrorako
Eto am-pikiràna reny andro lasako
Ka na Noely aza anio dia
Tsy haiko ny mifantina
Tonom-bavaka, hanadio
Reto haratsiako efa mantsina

Andriamanitra ô! Nanenenako
Fa tao ny lela sy ny vavako
Nanekena sy nandavako
Reo sitra-ponao Ray Mpahary
Fa teo ny saiko amam-panahy
Niziriziry sy nandà
Tsy hanoha ny didinao Mpiahy

Andrimanitra ô! Vonjeo
Ka mba omeo noely aho
Ho tokim-piavotako sy
Handevona ny otako
Ka ny andro rehetra sisa
Hanompo Anao aho fa tsy haditra
Ho mpakato Anao kokoa
--------