Meteza.... (Rkt Erimady)

Raha sendra fifaliana
Dia mitsikia ho ravo foana
Fa raha tojo fahoriana
Meteza mba hisaona

Raha tojo hasambarana
Sy feno haravoana
Ka ampoky ny fiadanana
Dia mitsikia ho ravo foana

Rehefa tonga ilay maraina
Ka hazava teo 'lay tany
Dia mitsikia ry velon'aina
Ka ampangino ny tomany

Fa raha tojo adi-tsaina
Sy lonilony indray miserana
Meteza hitaraina
Fa ianao 'lay hitserana

Raha sendra sento lava
Sy ranomaso izay tsy ritra
Meteza hampisava
Meteza hipitrapitra

Raha tojo hafanana
Ka tsemboka, mivoaka rano
Meteza ho fafana
Ho fafana isan'andro
--------