RAVO NY TONTOLO (Tandrify)

Ravo ny tontolo,
Anilanao ry tiana,
Adinoko daholo,
Irony fahoriana.
Ny fifalianao ihany,
No antom-pifaliako,
Ny mahita anao tomany,
Tsy tantiko, tsy iriko!

Ny zava-mahaory,
Ny alahelo koa,
Sentosento, sorisory,
Nisinda avokoa.
Ianao mananihany,
Izay no tena tiako,
Ny mahita anao tomany,
Tsy tantiko, tsy iriko!

Lasanao ny foko,
Babonao tanteraka,
Foana ny toloko,
Sy ratram-pi mandreraka.
Ianao irery ihany,
No hany nofidiako,
Ny mahita anao tomany,
Tsy tantiko, tsy iriko!

Tandrify
20/07/18
--------