TSY...FA ALAHELO (Tsikia Fitoky)

Mbola tsisy niantsa

Hangataka antsa
(Nalaina tao amin'ny vetso.serasera.org)
TSY.....FA ALAHELO
Tsy ditsoka aho fa mitomany
Tsy misento fa tena migogo
Gogogogon’ny fo malahelo
Alahelo miteraka elo.

Tsy maso main-drongony
Fa menan’ny saina tsy tony
Tsy vatana havenan’ny toaka
Fa nofo torovana loatra.

Tsy kalo fanao takariva
Fa baheza amim-peo ivaiva
Bahezan’ireo mpiandry faty
Mahangoly ny fo ao anaty.

Tsy embona ireo havan-tiana
Fa alahelo ilay tiana nafoy
Hihoatra any am-pasa mangiana
No anton’izany re roy

TSIKIA Fitoky
09h-06
23-02-2021
--------
Rohy:
Sokajy : Alahelo - Alahelo
27 1
Mpakafy: FitokyTsikia
Hametraka hevitra
Midira aloha
Momba ny tononkalo
Mpanoratra : Tsikia Fitoky
Nampiditra : FitokyTsikia
Daty : 31/03/2026 09:10
Antsantononkalo

Mbola tsisy niantsa

Hangataka antsa Hampiditra feo
Tononkalo hafa
© Eugene Heriniaina - serasera.org 1999 - 2026 - page load 0.0321