Ny endrikao (VOLOINA)

Raha vao miandoha ny andro,
Mihiratra masoandro,
Ny endrikao no hitako;
Mitsiky lalandava,
Toa vony tsy ho rava,
Manaingo ny marainako.

Ny mitatao vovonana,
Masoandro eo an-tokonana,
Ny endrikao no hitako;
Mandrisika ahy hiampita,
Hanohy izay efa vita,
Ho vato hiranitako.

Maizimbava ny vilany,
Masoandro dify any,
Ny endrikao no hitako;
Mampisinda ny havizanana,
Vatana izay lanaka,
Manaisotra ny disako.

Ny endrikao ihany,
Ny endrikao hatrany,
Andavanandrom-piainako.
--------