You are here: home > Vetso

ITY NOELY ITY - andony

Azo vakiana?


ITY  NOELY  ITY
1- Ity no Noely faha efatra ambin’ny folo sy roa arivo
Efa firy tokoa  moa izay no lasa ? mba tsahivo.
Sa mbola hiandry Noely hafa indray
Sao dia ho diso aoriana loatra fa mba aok’izay!

2- Ity Noely ity no krismasy fankasitrahana
Na ny kely na ny lehibe mahazo fahafahana
Ka ny hevitrao no sisa, ny finoana aoreno
Dia hoazonao tokoa ilay fankasitrana feno.

3- Ity Noely ity dia mitondra famonjena
Ho an’izay rehetra mino ary tena manantena
Fa hahazo fiadanana na dia ety an-tany ety
Kanefa kosa miaiky fa mpamonjy i Kristy.

4- Ity Noely ity dia azo hambara ihany koa
Fa andro iray lehibe feno firarian-tsoa
Ho an’ny mino rehetra sy izay manaraka azy
Ary tena fiainam-pifaliana ho an’ny mpianakavy

5- Eny e! raha atao indraim-bava ity Noely ity
Dia andro lehibe izay nahaterahan’i Kristy
Ka  ny fiadanany dia ho ety ambonin’ny tany
Ho amin’ny olona rehetra izay ankasitrahany.

.

Sokajy : Krismasy

Mombamomba

Mpanoratra : andony


Nampiditra : andony
Daty : 03/01/2015
Mpamangy : 4020
Mankafy : 1

Tononkalo hafa

NY NOELINAY ANIO
DIMY TAONA SAHADY