TSY HARY HANADINO - Antsa tononkalo.R

Azo vakiana?

Tsy hary hanadino,

Hovaina foana ny lalan-kombàna,
tsy ho any aminao ;
kanefa ny dian'ny foko mankany,mankany ...

Ny lohako foana no mety ho voatàna,
tsy hitazana anao ;
kanefa ny saiko dia mierika ihany ...

Hakimpiko foana ny maso midiry,
tsy hahita intsony,
ilay endrinkao, anatin'ireo fitsiahy ...

Rehefa ny foko no mbola mikiry,
amin'ny tany itony,
lazaiko aminao: mibanjina anao am-panahy...


Raha toa ka ny foko no indray azon-tory ,
Mety sondrian'ny andro sy ny ora ,
rendremana foana ny nofo aman-drako !

Toy ny tsy teo, tsy nihodina akory. . .
Dia, Indreo vaky akora,
Ny tsiahy sy embona, anao, mifamaly an-damako !

Antsa Tononkalo.R

Mombamomba

Mpanoratra : Antsa tononkalo.R

Nampiditra : antsa tononkalo.R
Daty : 18/10/2016
Mpamangy : 1003
Mankafy : 1

Tononkalo hafa

Malala Fahizay
Eisy e! Ry lala!
Amoron-takariva
"Mpamaliha"
TONONKALO, anefa hira
Hianao no tononkirako
"Mialohan'ny zavatra rehe
"Oram-panala"
TIAKO HITOETRA
Teny,