MANOVA NO METY (da-rola)
Mbola tsisy niantsa
(Nalaina tao amin'ny vetso.serasera.org)
MANOVA NO METYTena tiako tokoa izay malalako izay,
Izy hono anie ka tia mandrakizay e!
Any lavitra any izy tsy aiko adinoina,
Ny fitiavany kosa tsy aiko nonoina.
Nandalo ny andro, ny volana, ny taona
Tsy mba nifankahita na koa mba niaona,
Ho sanatry ve ka hifandao?
Tsia! Tsy mino ny saiko satria tiako ianao.
Inday ando anefa taty ahoriana,
Tazako ilay MAlalako teo ambodi-riana,
Akory ny atairako hoy ianao?
Olon-kafa no niaraka taminy tao.
Dia saika anantona aho nefa tsy sahy,
Satria nalahelo ny fo, nitoloko ny fanahy
Tsy kivy tsy ketraka fa lehilahy e!
Manova no mety hoy ry zalahy.
R. Rolland (da-rola)
--------
Rohy:
Sokajy :
alahelo - Fisarahana
Mpakafy:
da-rola
