Manantena - David Andrianalaina

Azo vakiana?

            Manantena

Indray andro any hamiratra
Izay no mba hirahiraina
Nefa ity jaly miha-mitatra
Amin'iza no mba hitaraina

Raha tsy namiratra masoandro
Fa vonton-tomany ny tena
Nandrin'ny tontolo andro
Kanefa toa mbola manantena
Manantena fifaliana
Fiadanana sy herin-tsaina
Na dia mafy fiafiana
Herim-po tsy ho very maina

Diavolana mivetsovetso
Ny kintana mandrotsirotsy
Tsy hiato fa hiala eto
Amin'ity toerana efa ratsy

Ny vavaka no atao tohatra
Miandrandra fandresena
I Jesoa no atao ho ohatra
Tsy ho kivy fa manantena


David Andrianalaina
30 septembre 2021

Mombamomba

Mpanoratra : David Andrianalaina

Nampiditra : David John Lee Andrianalaina
Daty : 02/10/2021
Mpamangy : 231
Mankafy : 0

Tononkalo hafa

Alohan'ny handaozany.....
Ianao omaly..
Ny ampitso