You are here: home > Vetso

Hiran-jaza kamboty - Eliza Freda

Azo vakiana?

Misy maro izao mikalo
Tsy mba manam-pahavalo;
‘Zaho kosa toa mimalo,
Toa latsain’izay mandalo

Ao ny revo mikorisa
Eny an-dalam-paradisa;
‘Zaho kosa mitanisa
Fahorian-tsy hita isa!

Ao ny voky safosafo
Hafalia-mitafotafo
‘Zaho kosa misakafo
Sady mandry tsy amin’afo!

Ao ny mbola velon-dReny,
Manan-dRay hiteniteny,
‘Zaho kosa… voa dia eny
Singan’olona manjeny

‘Zay tazaniko rehetra
Samy lavitry ny tsetra
‘zaho kosa manjoretra
sy mijaly an-tery setra!

Ndreo ny vorona misiaka
Miramirana sariaka
‘Zaho kosa toa mifiaka
Ranomaso be mandriaka !

Rony kintana misosa
Tsy mba manana mpifosa
‘zaho kosa! zaho kosa
Mitanondrika fa osa!

Volana manatri-tava,
Taratry ny fo mazava;
‘Zaho kosa maizin-dava;
Tozo oran-tsy nisava!

O, ry lanitra ô, avoty
Fa mahantra ity kamboty
Zaza bodo diso angoty
Vao nitsiry dia voaoty!

Satriko aza anio ihany
Dia ilaozana ny tany
Ka hisinda hankany
‘Lay fanahy nosimbany

Hametraka hevitra

Midira aloha

Mombamomba

Mpanoratra : Eliza Freda

Nampiditra : jantina
Daty : 08/08/2019
Mpamangy : 187
Mankafy : 1

Tononkalo hafa

Kibo saokin'ny nahiny
Hono?
Ilay reny tsy miteny
Vetsovetso takariva