Kibo saokin'ny nahiny - Eliza Freda

Ny fitiavana akory tsy sazy
Fa kibo saokin'ny ny nahiny ny azy
Tsy hanaovana teny amboletra
Ny safidin’ny fo no mba fetra

Ny fitiavana voatsangan-kiady
Ka any an-kafa zareo mba mitady
Ny aty tsy azo jokojokoina
Tsy azon’olona lotolotoina

Ny anay ny fitia
Dia fitia manan-kambo
Lolon-javatra, lolon’antambo
Raha omena vao mainka tsy mila
Izay mitoraka an’io kely ila.

Hevitra mandeha

ikalamako (20/08/2019 14:45:52)

Nasian'i Rasamy Gitara feony izy ity. Ato izay te hihaino azy : https://radiovazogasy.com/radio/hira/asehoy/10651

Mombamomba

Mpanoratra : Eliza Freda

Nampiditra : jantina
Daty : 08/08/2019
Mpamangy : 493
Mankafy : 3

Tononkalo hafa

Hono?
Hiran-jaza kamboty
Ilay reny tsy miteny
Vetsovetso takariva