TADIDIO FA TIAKO IANAO (Elysé Azrael)

N'inon'inona hiseho
Sy zava-baovao
Mety hitranga rehefa avy eo
Dia tadidio fa tiako ianao,

Tadidio fa tiako ianao
Na dia ninia tsy nahatsapa
Ilay fitia tanaty tao
Ilay fitia latsa-paka

Ka raha handao ianao rahampitso,
Fa voky tokin'olon-kafa, k'hitia azy sady hino,
Nefa ho sendra ny mangitsohitso
Dia tadidio fa any ho any: izaho mbola tia tsy manadino.

Raha mitraho ny fiainanao,
Raha toa ianao mila fialofana,
Dia tadidio f'anatiko ao
Ilay fitia tsy hay totofana!

Ka raha handao ianao,
Raha tsy maintsy hafoiko androany, nefa hitia ahy ihany,
Dia tadidio fa tiako ianao:
MIANDRY ANAO AHO ANY HO ANY!
--------