Volana tantely... (Elysé Azrael)

Vao nihaona isika roa,
Dia nifankahazo am-po,
Dia nifampitsiky kely:
Volana tantely!...

Dia mihaona tsindraindray,
Ny foko miontana indray,
Dia mitempotempo kely:
Volana tantely!...

Dia manonofy anao rehefa alina,
Anaty haizimpito lalina,
Nony avy eo dia taitra kely:
Volana tantely!

Dia nitory ilay fitia...
Dia nanaiky ianao na dia
Somary nampifila kely:
Volana tantely!!!
--------