AZA HITSERANA. (FahNamby)

AZA HITSERANA.


Aza hitserana aho raha mety
f'avelao aho mba hizatra hanatanjan-tena,
eo an-kianjan-mpahantrana.


Aza hitserana ny fiainako
na tinazanao fa kivy sy noana mosarena,
fa heriko aza ireny.


Aza hitserana aho satria:
tsy izaho irery no tsy manana harena,
mbola maro any ho any.


Avelao aho f'aza hitserana
ny hafa aloha tolorana raha manana omena,
fa ny ahy io tsy maninona.


Eny e! aza hitserana aho ho'aho
fa sao ianao hitaky ny valina babena,
f'indrindra koa handatsa.


saino!
FahNamby
17 dec 2016
--------