INY DADAKO INY... (FahNamby)
Mbola tsisy niantsa
(Nalaina tao amin'ny vetso.serasera.org)
INY DADAKO INYIny Dadako iny, andry fiankinako
masina sy tiako, ny zava-nitolomany
Babena voavaly, no tanjona sy dinako
Ravahako fitiavana, ny androm-pahavelomany.
Iny Dadako iny, tena Hery sarobidy
Nikaroka hatrany, ny hahasambatra ahy
Ady mafy, andraikitra, hatramin'ny adidy
Tsy nifararemotra, fa vonona sy sahy.
Tokana sy mamiko, hafa noho ny hafa
Nandefitra sy niafy tamin-javatra tsy tiany.
Ny fitiavany ahy! Am-poko tsy voafafa,
Rado fiambozoko, raha iny Dadako iny.
FahNamby
20 Aogositra 2017
--------
Rohy:
Sokajy :
Fetin'ny ray. - Fianakaviana
Mpakafy:
RFahendrena
