MBA RESAKA (FahNamby)

Mbola tsisy niantsa

Hangataka antsa
(Nalaina tao amin'ny vetso.serasera.org)
MBA RESAKA...


Resaka no atao, ka tiana mba hateza...
Fa...etsy ianao androany hiangaviako dia meteza,
Hanongilan_tsofina hihaino ny ato am_poko....


Raha ny nanadino anao,
natao fa tsy mba vita e!
Hambon'olon_tiana 'lay nilaza fa tsy tia
Impiry moa nanafina, fa iny mbola hita
nisoritra t'an_tavako ny foko tia anao.
Babo fa ninia nanaratsy anao tanteraka.
Noterena ho teraka t'anaty, ny tsy hitia anao.


Kanefa hatramin'izao dia...
Mainka mihamitombo, mandoaka sy mandratra
ny fo an_tratrako ao
ny fitiavana anao niniana novonoina...
niniana nosoloina, fa mbola tsy nidify e.


Mbola mitampify, mibahana ny foko,
mibahana ny foko!
Babeko ny toloko fa...adalako 'reny.


Resaka ka resaka raha ny hanadino,
Ny saiko aza tsy mino fa ny antsika zary nofy.
Ianao anjely anatiko fa...
Hiniako tsy tiavina.


FahNamby_17/09/17
--------
Rohy:
Sokajy : Fitiavana
886 1
Hametraka hevitra
Midira aloha
Momba ny tononkalo
Mpanoratra : FahNamby
Nampiditra : RFahendrena
Daty : 14/10/2017 09:10
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0096