AMIKO NY RAY... (Fredy Jaofera)

AMIKO NY RAY…




Amiko ny ray raha vao nanomboka namindra
no hita nianteherana ka toa tadidy indrindra ;
amiko ny ray fony mbola ankizy sy naditra
no nikatsaka nambomba fitiavana tsy ritra ;
amiko ny ray dia ilay namana nohatonina
nilazako ny alahelo fa tsy lainga be foronina ;
amiko ny ray raha ato am-po foana ombieny
dia andry nitokiana nataoko ho solon-dreny.



Fredy JAOFERA
--------