Aza fohazina - Fredy Jaofera

Azo vakiana?

Aza fohazina eto intsony
Ny alahelo izay matory
Sao hitraotra ka ny ony
Hisavoara...Hanorisory.
     Aza fohazina eto intsony
     Ny ranomaso izay nijoy,
     Sao hikiky ka tsy hitony
     ‘reo sentosentoko nitohy.
Aza fohazina eto intsony
Ny adiady izay nitranga
Sao re indro ho lonilony
No hisisika sy hiranga.
     Aza fohazina eto intsony
     Ny tebiteby izay nahazo
     Sao ho faty ka tsy hamony
     ‘lay niriko ho voninkazo.

Mombamomba

Mpanoratra : Fredy Jaofera

Nampiditra : hery
Daty : 20/01/2004
Mpamangy : 1905
Mankafy : 0

Tononkalo hafa

REHEFA MAHORY
TSAROAKO FOANA
NY POETY (2)
NY FAHATSORANA
SAFIDIM-PIRENENA
SAKAFON-TSAINA
TSY MISY AFA-MAINA
AZA IFIKIRANA
TSY MANAN-KATEZERANA
NY HATEZERANA