GIDRAGIDRA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
GIDRAGIDRAGidragidra no aloka tonga,
izay tokoa fa tsy somonga
rehefa tsy sainy ny tanjoko
sy tsy nomeny ny akanjoko.
Gidragidra no nisintahana
fa vava lava no niarahana,
fosa sy latsa no navoitra
fa tsy fitia no nipololotra.
Gidragidra no nandosirana
fa nanadala ny fifandirana,
nahakivy ombieny ny fony
tia namoaka ireo lonilony.
Gidragidra no nampihataka,
na teo foana aza ny vavaka
nialana amin'izany tanteraka
mbola tsaroana nandreraka.
Fredy JAOFERA
--------
Rohy:
Sokajy :
Ahy - Fisarahana - Fananarana - Fiaraha-monina - Alahelo - Eritreritra mandalo - Fiainana - Aingam-panahy
