HAFAHAFA (Fredy Jaofera)

Mbola tsisy niantsa

Hangataka antsa
(Nalaina tao amin'ny vetso.serasera.org)
HAFAHAFA





Hafahafa amiko
fa tsy tena mamiko,
ra'efa olona nanozona
sy tia nanozongozona
'zay hahapotika ny fiainana
ary angamba ny fisainana
hilentika any an-davaka
no milaza fa hivavaka !



Hafahafa loatra
matoa nampitraotra
ny foko manontolo !...
fa hay dia vorondolo
tsy azo namaharana
na mety nanambarana
ny hery rehetra rehetra
raha niloka, nitsetra !



Hafahafa ihany
ra'sendra be tomany,
fa ny niainana sy hita
dia izay tsy hahatafita
no efa tao an-tsainy
sy zavatra mba hainy.
Izay no tena niavaka
fa tsy izay mivavaka !





Fredy JAOFERA
--------
Rohy:
Sokajy : Alahelo
1231 0
Hametraka hevitra
Midira aloha
Momba ny tononkalo
Mpanoratra : Fredy Jaofera
Nampiditra : 3004
Daty : 24/09/2005 16:33
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0107