MALAZA TSY IHINANANA (Fredy Jaofera)

MALAZA TSY IHINANANA





Malaza tsy ihinanana
toy ny vilian-tsahona
ny fananako anao
raha ny fihavanana
nihodina ho vahona
sy nipoiran-draorao.




Malaza tsy ihinanana
ka dia henatra ho ahy
nandritra ny fiainana
fa fahasahiranana,
hoy re ny fanahy,
be fanaintainana.




Malaza tsy ihinanana
ka dia nentiko irery
'reo sedra nitranga 
tsy niova fiadanana
fa mainka namery
ny orako banga !




Fredy JAOFERA



















Fredy JAOFERA
--------