RANOMASO LATSAKA FOANA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
RANOMASO LATSAKA FOANARanomaso latsaka foana
no tonga, ry papa malala,
ka alahelo no manoloana
tsy vonona ny mba hiala.
Ranomaso latsaka foana
fa mifoha ny lasa rehetra
manamaloka ny fotoana
amin'ny sento sy tsetra.
Ranomaso latsaka foana
fa tiana ny ela niarahana
matoa aho re tsy moana
milaza ny eto mibahana.
Ranomaso latsaka foana
fa manina anao ombieny
ka mitaditady, na ahoana,
ny andro maro tsy miteny.
Fredy JAOFERA
--------
Rohy:
Sokajy :
Fisarahana - Embona - Ahy - Fahatsiarovana - Fananarana - Alahelo - Eritreritra mandalo - Fiainana - Aingam-panahy - Fitiavana
