You are here: home > Vetso

INY ZANAKO INY - Fy Tia

Azo vakiana?

Iny zanako iny
Ilay tsy manantsiny
Nefa tonga teto an-tany
Narahina tomany
Fa tsy hitany, tsy hainy
...nanjavona ny rainy.

Ny ranomaso latsaka
Na dia nipatrapatraka
Tsy nisy mba namafa
afa-tsy olon-kafa:
ny mpitsabo, mpampivelona
no 'ndreo niselontselona
nandray, nikarakara
F'ilay tsi-valahara
Nitsoaka ny adidiny
...izay no safidiny


Dia nandroso teo ny taona
Fa toa i Neny foana
No tazany isan'andro
Manasa sy mampandro
Mandrotsy safosafo
sy manome sakafo
F'i Dada aiza izao???
Variana milalao!!!
Entin'ny hevi-disony
ka tsy misaina ny ampitsony.


Indray andro any
Ho lehibe ihany
Io zanako io
K'izao no tadidio:
Hiezaka izy hitsara,
zay navalon'ny tantara,
Koa saino dieny izao
R'ilay lasana nandao
fa manody ny natao
Tsy ho zakanao lanjaina
NY ALAHELON-TSOMBINAINA...

FY TIA

Sokajy : Fianakaviana

Hametraka hevitra

Midira aloha

Mombamomba

Mpanoratra : Fy Tia

Nampiditra : tsiarofitia
Daty : 19/02/2013
Mpamangy : 858
Mankafy : 0

Tononkalo hafa

TIA AHO...
SARY FY (selfy)
Satria tiany ianao...