MBOLA KELY LOATRA IANAO (Zoky Eric)

Mbola tsisy niantsa

Hangataka antsa
(Nalaina tao amin'ny vetso.serasera.org)
Mialatsiny re rahavako
Fa mbola kely loatra ianao
Ka na dia misy ny fitiavako
Dia aleo hijanona amin'izao

Mbola kely loatra mantsy ianao
Ka sao hamarina ahy ankady
Satria ireo Ray sy Reninao
Masiaka be ka mila ady

Ny foko na dia tena tia
Hampandeferiko mangina
Mba hanaja ilay fitia
Izay natolotrao ry tiana.

Tena tiako mantsy ianao
Saingy indrisy aho voatery
Ka nanao ny tsy fanao
Hamela anao hangina irery.

Nefa mbola haveriko eto ihany
Ilay teny izay nataoko
Ny foko hitia anao hatrany
Ka ny any ankafa tsy ahoako.

Tapa-kevitra aho fa hiala
Fa kosa mbola hihaona
Haka anao anie aho malala
Rehefa iny feno taona

page fb: H_Eric
--------
Rohy:
2057 2
Hametraka hevitra
Midira aloha
Momba ny tononkalo
Mpanoratra : Zoky Eric
Nampiditra : Shcwarzeneric
Daty : 21/01/2019 19:58
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0101