VONIN-DRAOZY (Zoky Eric)

Vonin-draozy mavomavo
ny fiainako eto antany
satria voafingana ka lavo
niakarapoka amin'ny tany

Vonin-draozy menamena
ka mitombo hery foana
tsy hosena na ho lena
mandrapahatapitrin'ny taona

vonin-draozy fotsy mavana
manambara fahasambarana
mampitsiry ny fitiavana
mampirindra ny fiainana

vonin-draozy mavokely
no mba vonin-kazo tiako
mamy toin'ny tantely
ka manome ny fifaliako

izato fiainako mangina
mampirotsaka tomany
mampisentosento lalina
ny fiainako eto antany
--------