Izaho kely (Heriarilala Andriamamonjy)

Izaho kely

Izaho kely anankiray
nitepo tato anatiko
no hisy rahatrizay,
ho teliko sy mamiko.

D'hikolo aho sy hanabe,
hanambitamby koa
f'ilay sombinaiko ange
tsy manam-paharoa.

Ho jenitra amin'izany,
mikarakara tiana,
mitsiky hatrany hatrany
fa eo ilay nirina.

Izaho kely anankiray
nitepo tato anatiko
no hifalifaly indray,
tsy hangina ny akaniko.

Heriarilala Andriamamonjy 12/10/25 4:53
--------