Lazao (Heriarilala Andriamamonjy)

LAZAO

Lazao raha mbola ilaina ny tohin'ny tantara
Sa mahasavolaina ka efa tokony hiafara ?
Moa mbola misy dika ny hanohizana ny dia ?
Sa efa tsara hapika ny rohy mampifangia ?

Lazao raha mbola mamy ilay niaraha-nigoka
Raha mbola velona any ilay fo nilokaloka
Raha mbola tsy niofo ilay fotsy fahadiovana
Raha mbola vonona hiampofo, mbola tsy torovana.

Lazao raha mbola tia, aza mihafahafa
Raha tsy tamana aky, aza menatra mitafa
Raha misy hafa mahavariana, aza miahotra ny handao
Raha te hiova tiana, io ny lalana ombao.

Lazao raha mbola fy ilay niarahana nianoka
Raha niova sanatria, izaho tsy hiady varotra
Ny fotoana ange mandeha ka aza dia laniana
K'izao dia tanteraho ny rehetra faniriana.

Heriarilala 13/06/2022 14h23
--------